Jul 102016
 

مورخہ : 10جولائی 2016

پشاور( پ ۔ر ) عوامی نیشنل پارٹی خیبر پختون خوا نے عبدالستار ایدھی کی وفات پر 3روزہ سوگ کا اعلان کردیا ،باچاخان مرکز سمیت تما م اضلاع میں قرآن خوانی کی جائے گی سابق وزیراعلیٰ اور اے این پی کے صوبائی صدر امیرحیدرخان ہوتی ایم این اے جو ان دنوں بیرون ملک نجی دورے پرہیں نے ٹیلی فون پر صحافیوں کو بتایا کہ عبدالستار ایدھی عظیم انسان تھے اور انہوں نے ساری زندگی رنگ ونسل اورمذہب سے بالاتر ہوکر انسانیت کی خدمت کی ہے اوران کے وفات سے پیدا ہونے والا خلاصدیوں پر نہیں ہوگا،وہ تاریکیوں میں امید کی کرن تھے امیرحیدرخان ہوتی نے کہاکہ ایدھی صاحب حقیقت میں درویش اورفرشتہ صفت انسان تھے انہوں نے رحلت کی سفر پر جاتے ہوئے آنکھوں کا عطیہ دے کر بھی خدمت میں ممتاز مثال قائم کردی ہے انہوں نے کہاکہ عبدالستار ایدھی کی وفات سے پوری انسانیت یتیم ہوگئی ہے امیرحیدرخان ہوتی نے عبدالستار ایدھی کی بلند درجات کی دعا کرتے ہوئے بیوہ بلقیس ایدھی ،بیٹے فیصل ایدھی اور دیگر سوگواروں سے دلی تعزیت کا اظہار کرتے ہوئے کہاکہ اس عظیم سانحے اورغم میں اے این پی آپ کے ساتھ ہے انہوں نے کہاکہ اے این پی عظیم انسانی خدمت گار کی رحلت کے باعث تین روزہ سوگ منائے گی اور باچاخان مرکز سمیت ضلعی دفاتر میں قرآن خوانی اور فاتحہ خوانی کی جائے گی ۔

[suffusion-the-author]

[suffusion-the-author display='description']