اسفندیار ولی خان کا بیگم کلثوم نواز کے انتقال پر اظہار افسوس

 Sept 2017  Comments Off on اسفندیار ولی خان کا بیگم کلثوم نواز کے انتقال پر اظہار افسوس
Sep 112018
 

اسفندیار ولی خان کا بیگم کلثوم نواز کے انتقال پر اظہار افسوس

پشاور ( پ ر ) عوامی نیشنل پارٹی کے مرکزی صدر اسفندیار ولی خان نے بیگم کلثوم نواز کے انتقال پر دکھ اور افسوس کا اظہار کرتے ہوئے مرحومہ کی مغفرت کیلئے دعا کی ہے ، مرکزی میڈیا سیل باچا خان مرکز سے جاری ایک تعزیتی بیان میں اسفندیار ولی خان نے سابق وزیر اعظم محمد نواز شریف اور ان کے اہل خانہ سے تعزیت کا اظہار کرتے ہوئے کہا کہ تین بار خاتون اول رہنے والی مرحومہ کلثوم نواز خواتین کیلئے رول ماڈل تھیں ،اللہ تعالیٰ انہیں اپنی جوار رحمت میں جگہ دے ، انہوں نے غمزدہ خاندان سے بھی ہمدردی کا اظہار کرتے ہوئے مرحومہ کی مغفرت اور اہل خانہ کے صبر جمیل کیلئے دعا کی۔

سیاسی جماعتوں کی مصلحت بھی انتخابات میں شکست کی ایک وجہ تھی، سردار حسین بابک

 Sept 2017  Comments Off on سیاسی جماعتوں کی مصلحت بھی انتخابات میں شکست کی ایک وجہ تھی، سردار حسین بابک
Sep 102018
 

سیاسی جماعتوں کی مصلحت بھی انتخابات میں شکست کی ایک وجہ تھی، سردار حسین بابک

مخصوص شخص کو اقتدار میں لانا ریاست کی خواہش تھی اور اس کیلئے تمام حربے استعمال کئے گئے۔

جمہوریت دشمن قوتیں ملک میں جمہوری نظام کے خلاف ہیں اور اس مقصد کیلئے عمران کو استعمال کیاگیا۔

تحریک انصاف کے126دن کا دھرنا چند مخصوص قوتیں سپورٹ کرتی رہیں۔

نیب کو احتساب کی بجائے انتقام کیلئے استعمال کیا گیا، ملک میں سب کا بلاامتیاز احتساب ہونا چاہئے۔

چندہ مہم کی ٹائمنگ درست نہیں، عاطف میاں کے ایشو کو چندہ مہم اعلان کے ذریعے ہوشیاری سے دبا دیا گیا۔

طلبا اپنی تعلیم پر بھرپور توجہ مرکوز رکھیں، باچا خان مرکز میں پختون ایس ایف کی صوبائی ورکنگ کمیٹی کے اجلاس سے خطاب

پشاور ( پ ر) عوامی نیشنل پارٹی کے صوبائی جنرل سیکرٹری اور پختون ایس ایف کے صوبائی ایڈوائزر سردار حسین بابک نے کہا ہے کہ25جولائی کے انتخابات میں سیاسی جماعتوں کی شکست میں ان کی اپنی غلطیاں بھی کارفرما ہیں، مخصوص شخص کو اقتدار میں لانا ریاست کی خواہش تھی اور اس کیلئے تمام حربے استعمال کئے گئے ، رات کو عدالتیں لگا کر عمران کیلئے راستہ صاف کیا گیاجبکہ پرنٹ و الیکٹرانک میڈیا کے ذریعے عوام کی ذہم سازی کی گئی ، ان خیالات کا اظہار انہوں نے باچا خان مرکز میں پختون سٹوڈنٹس فیڈریشن کی صوبائی ورکنگ کمیٹی کے اجلاس سے خطاب کرتے ہوئے کیا ، اجلاس صوبائی صدر وسیم خٹک کی زیر صدارت منعقد ہوا جس میں پختون ایس ایف کے مرکزی آرگنائزنگ کمیٹی کے چیئرمین حق نواز خٹک اور جنرل سیکرٹری عمران مومند نے بھی خصوصی شرکت کی، سردار حسین بابک نے اپنے خطاب میں کہا کہ جمہوریت دشمن قوتیں ملک میں جمہوری نظام کے خلاف ہیں اور اس مقصد کیلئے ان قوتوں نے عمران کو استعمال کیا، انہوں نے کہا کہ احتسابی اداروں کے کردار پر بھی سوالیہ نشان ہیں ، نیب کو احتساب کی بجائے انتقام کیلئے استعمال کیا گیا ، ہم نواز شریف کے ہمدرد نہیں تاہم پانامہ میں جن باقی لوگوں کا نام ہے ان کے خلاف بھی کاروائی ہونی چاہئے ، انہوں نے کہا کہ اے این پی ملک میں بلا امتیاز احتساب چاہتی ہے اور عہدوں سے قطع نظر سب کے خلاف تحقیقات کی جائیں ، انہوں نے کہا کہ یہ سلسلہ گزشتہ پانچ سال سے جاری ہے جب تحریک انصاف کی جانب سے 126دن کا دھرنا دیا گیا وہ اتنا آسان نہیں تھا البتہ اس کی پیچھے ایسی قوتیں تھیں جو انہیں نہ صرف سپورٹ کرتی رہیں بلکہ اس کی تیاری بھی کی جاتی رہی، سردار حسین بابک نے کہا کہ میڈیا کے ذریعے ایک جماعت کو ہیرو اور باقی تمام سیاسی جماعتوں کو زیرو بنا کر پیش کیا گیا حتی کہ پختون قیادت کو بھی پارلیمنٹ سے باہر کر دیا گیا،انہوں نے کہا کہ انتہائی نازک موقع پر سیاسی جماعتیں مصلحت کا شکار ہوئیں جس کی وجہ سے مینڈیٹ چوری کرنے اور ریاست کو اپنی خواہش پوری کرنے میں مشکلات پیش نہیں آئیں،ڈیم چندہ مہم کے حوالے سے انہوں نے کہا کہ چندہ مہم ٹھیک ہے البتہ اس کی ٹائمنگ درست نہیں درحقیقت عاطف میاں کے ایشو کو چندہ مہم اعلان کے ذریعے ہوشیاری سے دبا دیا گیا، انہوں نے مزید کہا کہ وزیر اعظم احتاساب کا قانون مکمل کریں ،کھربوں روپے کے قرضے معاف کرانے والوں پر ہاتھ ڈالا جائے ،انہوں نے کہا کہ خسارے میں چلنے والے ملکی اداروں کا مستقبل کیا ہوگا؟ملک کی اقتصادیات بہتر بنانے کیلئے ٹھوس اقدامات کئے جائیں ، انہوں نے طلبا پر زور دیا کہ وہ اپنی تعلیم پر بھرپور توجہ مرکوز رکھیں اور عوام میں شعور اور آگاہی کیلئے تعلیمی اداروں میں سیمینارز و مشاعروں کا نعقاد بھی کریں ، انہوں نے کہا کہ پختون ایس ایف اے این پی کی نرسری ہے انہوں نے کہا کہ تنظیم تعلیمی اداروں میں اپنی تاریخ اور نظریے کی وجہ سے منفرد حیثیت رکھتی ہے اور اسی میں کل کے عطیم رہنما میدان میں نکلیں گے۔ 
قبل ازیں صوبائی ورکنگ کمیٹی کے اجلاس میں مختلف تنظیمی امور اور پختون ایس ایف کے لائحہ عمل پر غور کیا گیا اور تنظیم کو ازسر نو منظم کرنے کے ساتھ ساتھ غیر نصابی سرگرمیاں بھی شروععع کرنے کا فیصلہ کیا گیا،اجلاس میں فیصلہ ہوا کہ نئے آنے والے طلباء کیلئے ممبرسازی مہم شروع کی جائے گی ،اس موقع پر شہید ہارون بشیر بلور ، ،ابرار خلیل اور پختون ایس ایف کے شاہ حسین سنگین اور فیصل سردار کی مغفرت کیلئے فاتحہ خوانی کی گئی ، اجلاس میں اے این پی کے مرکزی جنرل سیکرٹری میاں افتخار حسین کو ملنے والی دھمکیوں کے خلاف 12ستمبر کو متعلقہ اضلاع میں احتجاج کی کال بھی دے دی گئی۔

عوامی نیشنل پارٹی کے تین ارکان کو شوکاز نوٹسز جاری

 Sept 2017  Comments Off on عوامی نیشنل پارٹی کے تین ارکان کو شوکاز نوٹسز جاری
Sep 102018
 

عوامی نیشنل پارٹی کے تین ارکان کو شوکاز نوٹسز جاری

عوامی نیشنل پارٹی کے صوبائی صدر امیر حیدر خان ہوتی نے شانگلہ سے تعلق رکھنے والے حاجی سید فرین ،حاجی سدید الرحمان اور مردان کے حمایت اللہ مایار کی طرف سے پارٹی فیصلوں سے بغاوت اور پارٹی آئین و ڈسپلن کی خلاف ورزی پر انہیں شوکاز نوٹس جاری کئے ہیں جن میں ان سے تین یوم کے اندر وضاحت طلب کی گئی ہے،جبکہ وضاحت نہ دینے کی صورت میں ان کے خلاف پارٹی پالیسی کے مطابق کاروائی کی جائے گی۔

اے این پی نے پرویز احمد خان کی پارٹی رکنیت ختم کر دی

 Sept 2017  Comments Off on اے این پی نے پرویز احمد خان کی پارٹی رکنیت ختم کر دی
Sep 102018
 

اے این پی نے پرویز احمد خان کی پارٹی رکنیت ختم کر دی

پشاور ( پ ر ) عوامی نیشنل پارٹی کے صوبائی صدر امیر حیدر خان ہوتی نے پارٹی مخالف سرگرمیوں ، گروپ بندیوں کی کوشش اور پارٹی فیصلوں سے بغاوت کی پاداش میں نوشہرہ کے پرویز احمد خان کی پارٹی رکنیت ختم کر دی ہے ،جبکہ اے این پی کے صوبائی جنرل سیکرٹری سردار حسین بابک نے ان کی رکنیت خاتمے کا نوٹیفیکیشن اے این پی سیکرٹریٹ باچا خان مرکز سے جاری کر دیا ہے۔

دفاعی بجٹ میں کمی سے ملک کی ابتر اقتصادی صورتحال بہتر بنائی جاسکتی ہے

 Sept 2017  Comments Off on دفاعی بجٹ میں کمی سے ملک کی ابتر اقتصادی صورتحال بہتر بنائی جاسکتی ہے
Sep 082018
 

دفاعی بجٹ میں کمی سے ملک کی ابتر اقتصادی صورتحال بہتر بنائی جاسکتی ہے، سردار حسین بابک

کھربوں روپے کے قرضے معاف کرانے اور قومی املاک اپنے نام کرانے والوں کے خلاف کریک ڈاؤن کیاجائے۔

چندہ مہم سے عوام میں احساس ذمہ داری ضرور پیدا ہو گی تاہم ملک کا نظام مستقل بنیادوں پر نہیں چلایا جا سکتا۔

پڑوسی ممالک کے ساتھ دوستانہ اور باعتماد روابط استوار کرنے سے مسائل کے حل میں مدد ملے گی۔

وفاقی اور صوبائی وزراء اور سیکرٹریز کے اخراجات کم کر نے سے اقتصادیات پر مثبت اثرات مرتب ہونگے۔

خسارے میں چلنے والے قومی اداروں کے مستقبل کے حوالے سے جلد فیصلے کی ضرورت ہے۔

کرپشن کی روک تھام کیلئے احتساب کے عمل کو غیر جانبدارانہ اور بلا امتیاز بنانا ہو گا ۔

پشاور ( پ ر ) عوامی نیشنل پارٹی کے صوبائی جنرل سیکرٹری سردار حسین بابک نے ملک کو اقتصادی طور پر اپنے پاؤں پر کھڑا کرنے کیلئے ٹھوس اور مستقل اقدامات کی ضرورت پر زور دیتے ہوئے کہا ہے کہ وزیر اعظم ملک کی اقتصادی حالت بہتر بنانے کیلئے کھربوں روپے کی قرضے معاف کرانے اور قومی املاک اپنے نام کرانے والوں کے خلاف کریک ڈاؤن کریں،اپنے ایک بیان میں انہوں نے کہا کہ چندہ مہم سے عوام میں احساس ذمہ داری ضرور پیدا ہو گی تاہم ملک کا نظام مستقل بنیادوں پر نہیں چلایا جا سکتا ،انہوں نے اس بات پر بھی زور دیا کہ پڑوسی ممالک کے ساتھ دوستانہ اور باعتماد روابط استوار کر کے دفاعی بجٹ میں کمی لائی جائے ، سردار حسین بابک نے کہا کہ وفاقی اور صوبائی وزراء اور سیکرٹریز کے اخراجات کم کر نے سے اقتصادیات پر مثبت اثرات مرتب ہونگے ، انہوں نے کہا کہ خسارے میں چلنے والے قومی اداروں کے مستقبل کے حوالے سے جلد فیصلے کی ضرورت ہے اور اس کے ساتھ ملک کے تمام صوبوں کو مکمل مالی و انتظامی خود مختاری کو یقینی بنایا جائے ،تو ملک دن دگنی رات چگنی ترقی کرے گا، انہوں نے کہا کہ چندہ مہم سے عوام میں احساس ذمہ داری ضرور پیدا ہو گی تاہم ملک کا نظام مستقل بنیادوں پر نہیں چلایا جا سکتا، انہوں نے کہا کہ کرپشن کی روک تھام کیلئے احتساب کے عمل کو غیر جانبدارانہ اور بلا امتیاز بنانا ہو گا ، انہوں نے کہا کہ جب تک احتسابی عمل سیاسی انتقام کیلئے استعمال ہوتا رہے گا مسائل میں کمی کی بجائے اضافہ ہوتا رہے گا، سردار بابک نے کہا کہ ملک میں مہنگائی کے نئے طوفان نے عوام کو ذہنی کرب میں مبتلا کر دیا ہے لہٰذا ھکومت کو سنجیدگی اور ذمہ داری کے ساتھ حالات کنٹرول کرنے کیلئے اقدامات کرنا ہونگے،

نیشنل یوتھ آرگنائزیشن خیبر پختونخوا کے صوبائی انتخابات مکمل

 Dec-2017  Comments Off on نیشنل یوتھ آرگنائزیشن خیبر پختونخوا کے صوبائی انتخابات مکمل
Dec 312017
 

نیشنل یوتھ آرگنائزیشن خیبر پختونخوا کے صوبائی انتخابات مکمل،گلزار خان صدر شیراللہ وزیر جنرل سیکرٹری منتخب 

پشاور (پ ر) نیشنل یوتھ آرگنائزیشن خیبر پختونخوا کے صوبائی کونسل اجلاس زیر صدارت چیئرمین آرگنائزنگ کمیٹی پختونخوا سنگین خان ایڈوکیٹ باچا خان مرکز پشاورمیں منعقد ہوا جس میں صوبائی کونسل نے گلزار خان کو صوبائی صدر جبکہ شیراللہ وزیر کو اتفاق رائے سے جنرل سیکرٹری منتخب کیا۔ اجلاس میں عوامی نیشنل پارٹی کے صوبائی ڈپٹی جنرل سیکرٹری ایمل ولی خان اور مرکزی چیئرمین این وائی او محسن داوڑ نے خصوصی دعوت پر شرکت کی۔ دیگر عہدیداروں میں جمال ناصر سینئر نائب صدر، اسد خان نائب صدر اول، ساود جان نائب صدر دوم، ثناء اللہ شاہ نائب صدر سوم، فصیح اللہ نائب صدر چہارم، ثناء اعجاز نائب صدر زنانہ، سہراب خان ایڈیشنل جنرل سیکرٹری، کاشف باچا ڈپٹی جنرل سیکرٹری، سہیل ضان جائنٹ سیکرٹری اول، عمران خان جائنٹ سیکرٹری دوم، ارسلان خان جائنٹ سیکرٹری سوم، گلکریم خان جائنٹ سیکرٹری چہارم، عظمت اللہ ترین سیکرٹری فنانس، پلوشہ عباس سیکرٹری انفارمیشن جبکہ لطیف اورکزئی کلچراینڈ ایجوکیشن سیکرٹری منتخب ہوگئے۔ ان کے علاوہ جتندھر سنگھ کو بطور سیکرٹری اقلیتی امور اور کامران گگیانی کو کونسل کی رائے سے بطور سیکرٹری سوشل میڈیا مقرر کیا گیا۔ تمام کابینہ ممبران کا انتخاب اتفاق رائے سے مکمل ہوا۔ اجلاس سے خطاب کرتے ہوئے عوامی نیشنل پارٹی کے صوبائی ڈپٹی جنرل سیکرٹری ایمل ولی خان اور دیگر مقررین نے نومنتخب کابینہ کو مبارکباد دی اور اس امید کا اظہار کیا کہ نوجوانوں کو سیاسی طور پر فعال اور منظم کرنے میں نومنتخب کابینہ اپنا بھرپور کردار ادا کریگی۔

بڑا بھائی پنجاب خیبر پختونخوا کے عوام میں غلامی کا احساس پیدا کر رہا ہے، حاجی غلام احمد بلور

 Dec-2017  Comments Off on بڑا بھائی پنجاب خیبر پختونخوا کے عوام میں غلامی کا احساس پیدا کر رہا ہے، حاجی غلام احمد بلور
Dec 282017
 

بڑا بھائی پنجاب خیبر پختونخوا کے عوام میں غلامی کا احساس پیدا کر رہا ہے، حاجی غلام احمد بلور

پشاور ( پ ر ) عوامی نیشنل پارٹی کے مرکزی سینئر نائب صدر اور قومی اسمبلی میں اے این پی کے پارلیمانی لیڈر حاجی غلام احمد بلور نے کہا ہے کہ بجلی اور گیس ہمارے صوبے کی پیداوار ہے لیکن بدقسمتی سے اس کی باگ ڈور پنجاب کے ہاتھ میں ہے جس نے ہمارے صوبے کی پیداوار خیبر پختونخوا کے عوام پر بند کر دی ہے ،اپنے ایک بیان میں انہوں نے کہا کہ پنجاب بڑا بھائی ہے تاہم وہ ہمارے ساتھ بھائیوں کی بجائے غلاموں جیسا سلوک کر رہا ہے جو انتہائی قابل مذمت ہے ، انہوں نے کہا کہ سخت سردی کے باوجود صوبے میں ناروا لوڈ شیڈنگ جاری ہے جو عقل سمجھنے سے قاصر ہے اسی طرح سردیوں میں گیس بندش نے ہمارے صوبے کے عوام کو ذہنی کرب میں مبتلا کر دیا ہے،انہوں نے کہا کہ خیبر پختونخوا کے عوام پر گیس اور بجلی بند کر کے غلامی کا احساس پیدا کیا جا رہا ہے اور اس سے لوگوں میں احساس محرومی پیدا ہو رہا ہے، ہمارا صوبہ خیبر پختونخوا اس حوالے سے انتہائی بدنصیب ہے کیونکہ اٹھارویں ترمیم میں یہ کہا گیا ہے جو چیز جس صوبے میں پیدا ہوتی ہے اُسی صوبے کا حق سب سے پہلے اس پر ہوتا ہے ۔ گیس جو ہمارے صوبے میں ضرورت سے زیادہ پائی جاتی ہے لیکن ہمارے صوبے میں لوگوں کو گیس نہیں مل رہی ۔ بلکہ پشاور جو کہ اس صوبے کا دارالخلافہ ہے پر گیس کا نام و نشان تک نہیں رہا اور گھروں میں لوگ لکڑیاں جلا کر کھانا روٹی پکاتے ہیں جبکہ بچوں کو بغیر ناشتے کے سکولوں کو بھجوایا جاتا ہے۔اسی طرح سخت سردی میں گیس بندش کی وجہ سے بچوں میں بیماریاں پھیل رہی ہیں ، انہوں نے کہا کہ کسی قسم کا جانی نقصان ہوا تو اس کی ذمہ داری مرکزی حکومت پر ہوگی،انہوں نے اس امر پر بھی افسوس کا اظہار کیا کہ خیبر پختونخوا میں سب سے زیادہ 55ہزار بیرل تیل نکل رہا ہے لیکن اس کیلئے ریفائنریز یہاں موجود نہیں ، انہوں نے کہا کہ اگر تیل ریفائنریز پنجاب کی بجائے یہاں لگائی جائیں تو ہزاروں افراد کو روزگار کے مواقع مل سکتے ہیں،حاجی غلام احمد بلور نے کہا کہ پنجاب میں ترقی اور ہماری تنزلی کی بنیادی وجہ اتفاق ہے ، تمام پنجاب مسلم لیگ کے ساتھ کھڑا ہے ، سندھ پیپلزپارٹی کے ساتھ اور ہندوستان کا مہاجر ایم کیو ایم کے ساتھ ہے لیکن پختون ایک پلیٹ فارم پر متحد نہیں ، ہمیں اپنے وسائل پر اپنے اختیار کیلئے ایک پلیٹ فارم پر متحد ہونا ہو گا ، پختون اپنی اور آنے والی نسلوں کی ترقی کیلئے ایک پارٹی عوامی نیشنل پارٹی کے سرخ جھنڈے تلے متحد ہو جائیں تو دنیا کی کوئی طاقت ان سے ان کے حقوق نہیں چھین سکتی۔