درہ آدم خیل کان حادثہ، اے این پی نے توجہ دلاؤ نوٹس پیش کر دیا

درہ آدم خیل کان حادثہ، اے این پی نے توجہ دلاؤ نوٹس پیش کر دیا۔

پشاور ( پ ر ) عوامی نیشنل پارٹی نے خیبر پختونخوا اسمبلی میں توجہ دلاؤ نوٹس میں سپیکر کی توجہ اس جانب مبذول کرائی ہے کہ حال ہی میں درہ آدم خیل میں کوئلے کی کان میں مزدوروں کی شہادت کا جو واقعہ رونما ہوا ہے، اس کے متاثرین اور جاں بحق ہونے والوں کے لواحقین کو قانون کے مطابق معاوضہ ادا نہیں کیا گیا ، توجہ دلاؤ نوٹس اے این پی کے رکن اسمبلی فیصل زیب خان نے پیش کیا اور اس میں مزید کہا گیا ہے کہ کوئلے کی کان میں پیش آنے والے آئے روز کے واقعات معمول بن چکے ہیں لیکن بار بار یقین دہانیوں کے باوجود اس اہم انسانی مسئلے کی جانب کوئی توجہ نہیں دی جا رہی ، اس سے قبل بھی کوئٹہ، درہ آدم خیل اور اورکزئی میں اس قسم کے بہت سارے واقعات ہوچکے ہیں۔ جن میں ضلع شانگلہ سے تعلق رکھنے والے بہت سارے افراد شہید ہوچکے ہیں۔ اور تاحال ان شہداء کے لواحقین کو قانون کے مطابق معاوضہ ادا نہیں کیا گیا ۔ مید برآں اس ضمن میں متعلقہ محکمہ کی عدم توجہ کی وجہ سے آئے روز ایسے واقعات رونما ہونے کا سلسلہ جاری ہے۔لہذا اس پر بحث کی اجازت دی جائے۔

Facebook Comments