اے این پی ہری پور کی تنظیم سازی مکمل

Shaukat Rehman Mashwani - President ANP District Haripur

Shaukat Rehman Mashwani – President ANP District Haripur

ہری پور کے ضلعی جنرل کونسل کے انتخابی اجلاس میں شوکت رحمان مشوانی عوامی نیشنل پارٹی کے ضلعی صدر اور طارق خان جنرل سیکرٹری منتخب کئے گئے ہیں

[pullquote]In a meeting of ANP Gen. Council of District Hazara, Shaukat Mashwani was elected as district president while Tariq Khan as Gen. Sec.[/pullquote]

پشاور (پ ر) عوامی نیشنل پارٹی ضلع ہریپور کی ضلعی جنرل کونسل کا ایک اجلاس ضلعی الیکشن کے سلسلے میں زیر صدارت جمیلہ گیلانی صوبائی سیکرٹری الیکشن کمیشن پختونخوا منعقد ہوا۔ اس موقع پر صوبائی الیکشن کمیشن کے ممبران سید عاقل شاہ ، نمروز خان اور ملک غلام مصطفی کے علاوہ کثیر تعداد میں پارٹی مردو خواتین بھی موجود تھے۔
الیکشن انتہائی خوشگوار ماحول میں افہام و تفہیم اور خوش اسلوبی سے پایۂ تکمیل تک پہنچ گیا اور اتفاق رائے سے ضلع ہریپور کیلئے صدر شوکت رحمان مشوانی ، سینئر نائب صدر حاجی جاوید خان جدون ، نائب صدر اول حاجی عبدالسلام ، نائب صدر دوم (زنانہ) سید زربینہ بی بی ، جنرل سیکرٹری طارق خان ، ڈپٹی جنرل سیکرٹری راجہ نعمان علی ، جائنٹ سیکرٹری اول خورشید امازئی ، جائنٹ سیکرٹری دوم (زنانہ) فرازیہ بی بی ، سیکرٹری اطلاعات محمد افتخار عباسی ، سیکرٹری اطلاعات محمد افتخار عباسی ، سیکرٹری مالیات خضرحیات اور سیکرٹری ثقافت اختر حسین امازئی منتخب ہوئے۔
ضلعی جنرل کونسل کے اجلاس سے خطاب کرتے ہوئے صوبائی الیکشن کمیشن کے کی سیکرٹری جمیلہ گیلانی ، ممبران سید عاقل شاہ ، نمروز خان اور ملک غلام مصطفی نے ضلعی نو منتخب کابینہ کو مبارک باد دی اور ان کو ہدایت کی کہ وہ ہریپور میں نچلی سطح سے لیکر ضلعی سطح تک تمام پارٹی تنظیموں کو مزید فعال اور مضبوط کرنے کیلئے اپنی تمام تر صلاحیتوں اور توانائیوں کو بروئے کار لا کر اہم اور کلیدی کردار ادا کرے۔ اُنہوں نے کہا کہ اے این پی ایک جمہوری پارٹی ہے اور اس کی روایت رہی ہے کہ وہ ہر چار سال بعد پارٹی رکنیت سازی کے بعد الیکشن کے ذریعے ہر سطح پر پارٹی کی ایماندار اور دیانتدار قیادت سامنے لا رہی ہے۔
اُنہوں نے کہا کہ ہریپور کا ضلعی الیکشن شیڈول کے مطابق پہلا الیکشن ہے اوریہ ہریپور کیلئے اعزاز کی بات ہے کہ سب سے پہلے اس ضلع کا الیکشن منعقد ہوا اور اس کی نئی کابینہ معرض وجود میں آئی۔ اُنہوں نے کہا کہ ہم ہزارہ ڈویژن کو قدر کی نگاہ سے دیکھتے ہیں اور اے این پی نے ہر دور میں اس کے حقوق اور اہمیت کا خیال رکھا ہے جس کا زندہ ثبوت ہزارہ ڈویژن سے تعلق رکھنے والے پختونخوا کے دو وزیر اعلیٰ پیر صابر شاہ اور مہتاب عباسی صاحب ہیں۔ جن کو عوامی نیشنل پارٹی نے سپورٹ کیا اور ہزارہ کے مفاد کیلئے اُن کے ساتھ اے این پی نے ہر قسم کا تعاون کیا جو کہ اے این پی کا مرہون منت ہے۔
اُنہوں نے کہاکہ اے این پی نے پہلے بھی ہزارہ کے حقوق کیلئے اہم رول ادا کیا ہے اور اپنی روایت کو برقرار رکھتے ہوئے آئندہ بھی ادا کرتے رہے گی۔ ہزارہ پختونخوا کے وجود کا حصہ ہے اور ہم کسی بھی صورت اپنے اس وجود کو پختونخوا سے الگ ہونے نہیں دینگے۔ اُنہوں نے کہا کہ بڑے اعزاز کی بات ہے کہ اس دفعہ ہریپور میں خواتین نے اے این پی کی ریکارڈ ممبر شپ لی ہے۔ جس سے اندازہ ہوتا ہے کہ اے این پی ہزارہ میں ایک نئے جوش و جذبے سے بھرپور انداز میں اُبھرے گی۔

Facebook Comments